23 តុលា
ជារៀងរាល់ឆ្នាំ ថ្ងៃ ២៣ តុលា ជាថ្ងៃឈប់សំរាក គ្រប់ស្ថាប័នមន្ទី ព្រោះជាទិវារំលឹកខួបកិច្ចព្រមព្រៀងសន្តិភាពកម្ពុជានៅទីក្រុងប៉ារីស ២៣ តុលា ១៩៩១។ គ្រប់សិស្សានុសិស្សទាំងអស់ត្រូវតែចេះចាំគ្រប់ៗក្នុងមេរៀនប្រវត្តិសាស្ត្រ។ បើដល់ថ្ងៃត្រូវឈប់ហើយ តើមាននរណាមិនចង់ឈប់? តែគួរឱយចំលែកអស្ចារ្យ ព្រឹត្តិការណ៍ប្រវត្តិសាស្ត្របែបនេះ បែរជាយើងមិនបានឈប់ទៅវិញ។
បើយើងសាកល្បងរាប់ថ្ងៃឈប់សំរាកក្នុងមួយឆ្នាំៗ ស្រុកខ្មែរឈប់ប្រហែលជាមួយខែ រាប់ទាំងបុណ្យជាតិ បុណ្យអន្តរជាតិ បុណ្យប្រពៃណី បុណ្យសាសនាផងនោះ។ ជួនកាលការឈប់សំរាកបន្តបន្ទាប់គ្នានោះ ធ្វើឱយការងារកាន់តែស្ទះជាញឹកញាប់ ជាពិសេសក្នុងត្រីមាសទីបួន ចាប់ពីបុណ្យភ្ជុំមករហួតដល់ចូលឆ្នាំសកល។ បូកថែម បុណ្យដាក់បិណ្ឌ និង កឋិនទានក្រោយចេញវស្សានោះទៀត យើងកាន់តែមមារញឹកអស្ចារ្យទាំងផ្លូវលោកនិងផ្លូវធម៌។ លុះ ដល់បិទបញ្ជីប្រចាំឆ្នាំទើបយើងដឹងថា វិបត្តិសេដ្ឋកិច្ចពិភពលោកបានរំកិលខ្លួនចូលមកគោះដល់ទ្វារបន្ទប់ទឹកយើងហើយ។
ចង់មិនចង់ យើងត្រូវតែធ្វើការ។ តែយើងមិនគួរភ្លេចថា ព្រឹត្តការណ៍ប្រវត្តិសាស្ត្រសំខាន់ៗក្នុងទឹកដីកំនើតរបស់ខ្លួនមានអ្វីខ្លះដែរ។ យ៉ាងហោចណាស់យើងត្រូវដឹងថាឪពុកម្ដាយយើងបង្កើតយើងមកថ្ងៃខែឆ្នាំណាដែរ